په کابل کې د ایرنا خبري آژانس د خبریال له مخي، د افغانستان د سرپرست حکومت د پوهنې وزارت چارواکو نن جمعه د تله ۶ مه په خپله خبرپاڼه کې اعلان کړی چې د دغه وزارت سرپرست مولوي سید حبیب الله اغا د کنر ولایت د ساګي په سیمه کې د یوه عالي لېسې د بنسټ ډبره کېښوده.
خبرځاى زياته کړه: د دغه ښوونځي د جوړولو لګښت ١٨ ميليونه افغانۍ اټکل شوى دى چې د پوهنې په برخه کې د يوې همکارې موسسې له خوا ورکول کيږي. د چارواکو په وینا، دغه لېسه به په دوو پوړونو کې جوړه شي او د اړینو ودانیو تر څنګ به ۱۴ درسي ټولګي ولري.
د پوهنې وزارت سرپرست د دې لېسې د پرانیستې په مراسمو کې وویل چې د هېواد په لرو پرتو او محرومو سیمو کې د هېواد د ماشومانو لپاره د زده کړو د اسانتیاوو برابرول زموږ له لومړیتوبونو څخه دي.
د پیغام پای/
Your Comment